Skuggavaldið á Vísindavöku 2025
Skuggavaldið, þar sem Hulda Þórisdóttir, prófessor í stjórnmálasálfræði við Háskóla Íslands, og Eiríkur Bergmann, prófessor í stjórnmálafræði við Háskólann á Bifröst, ræða saman um samsæriskenningar að ýmsu tagi, verður með sérstaka þátttöku á Vísindavöku, sem fer fram laugardaginn 27. september.
Á Vísindavöku ætla Eiríkur og Hulda að taka upp þátt Skuggavaldsins á sal og bjóða gestum Vísindavöku að setjast niður með sér og fræðast um vísindatengda samsæriskenningu.
Upptakan á þætti Skuggavaldins er liður í afmælisdagskrá Vísindavöku sem á þessu ári fagnar því að 20 ár eru síðan að Vísindavaka var fyrst haldin.
Viðburður Skuggavaldsins fer fram í fyrirlestrarsal sem er inn af aðalsýningarsvæði Vísindavöku og hefst kl. 15:40.
Aðgangur að viðburði Skuggavaldsins er ókeypis og öll velkomin á meðan húsrúm í salnum leyfir.
Hvað: Skuggavaldið - Upptaka með áhorfendum
Hvar: Á Vísindavöku í Laugardalshöll
Hvenær: Laugardaginn 27. september kl. 15:40
