Kynningarfundur Rannís um LIFE áætlunina
Áhugasamir, hvort sem er á staðnum eða á Teams, skrái sig eigi síðar en 26. maí nk.:
LIFE er samkeppnissjóður sem hefur fjármagnað verkefni á sviði loftslags- og umhverfismála frá árinu 1992 en það er fyrst á þessu tímabili sem Íslendingar taka þátt. Með þátttöku Íslands í áætluninni gefst ólíkum aðilum á Íslandi, s.s. sveitarfélögum, frjálsum félagasamtökum, stofnunum og fyrirtækjum kostur á að sækja um styrki til umhverfisverkefna á sviði LIFE-áætlunarinnar.
Núverandi tímabil áætlunarinnar tekur til áranna 2021-2027 og alls eru rúmlega 5,4 milljarðar evra til úthlutunar á tímabilinu. Lögð er áhersla á fjögur meginsvið;
- náttúru og líffræðilega fjölbreytni
- hringrásarhagkerfið og lífsgæði
- loftslagsbreytingar - aðlögun
- aðgerðir og orkuskipti
Birtar voru auglýsingar eftir umsóknum þann 17. maí 2022 og finna má þær á styrkjagátt Evrópusambandsins (EU Funding & Tenders Portal).
